" Kuch Dino Se "

Arj hai..
Husn ka tere kaise deedar kare
Jab nazrein hi isme dooba kare
Yeh toh ek heer hai
Ise labson me hum kaise bayaan kare

( Tujhse baatein karna, tere saath chalna aadat ban rahi hai
Kuch dino se yeh zindagi achhi lagg rahi hai )×2

Tujhe takna chhup chhup ke dekhna jarurat ban rahi hai
Kuch dino se yeh zindagi achhi lagg rahi hai

Arj hai..dil ne tujhe hi chaha hai
Dil ne tujhe hi paaya hai
Rom rom me isne
Bas tujhe hi basaya hai

( Pehle bhi raatein thi par itni haseen kabhi na thi jaisi ab ho rahi hai
Pehle bhi badal barse hai par itne suhane sirf abhi lagg rahe hai )×2

Aankhein meri tujhse kuch keh rahi hai
Baat dil ki honth nahi nazrein kar rahi hai
Ashq pyaar ke sab bayaan kar rahe hai
Par yeh baatein hi jaankar anjaan ho rahi hai

Kuch dino se yeh zindagi achhi lagg rahi hai

Arj hai.. dil joh diya hai tumne , hifajat me hamari
Rahega mehfooj sadaa yeh , ayaat mohabbat me hamari

( Dhadkan meri tere hi naam ko liye chal rahi hai
Pal pal dhalte dinon se chahat meri ishq me badal rahi hai )×2

Hasrat hai ki dil ko mere
Bas teri panaah mil jaye
Chhed ke raag ulfat ki
Hum tujhme fanaah ho jaye

( Yaadein ab tujh sang beete lamho se ban rahi hai
Teri hi julf hai joh mujhpe saaya kar rahi hai )×2

Tujhse baatein karna tere saath chalna aadat ban rahi hai
Kuch dino se yeh zindagi achhi lagg rahi hai
achhi lagg rahi hai...

--- by rjg